Rafræn stjórnsýsla

Umhverfisstofnun var fyrst íslenskra stofnana til að opna fyrir rafræna þjónustu, í ársbyrjun 1999 gátu veiðimenn skilað inn veiðiskýrslum sínum rafrænt til Veiðimálastjóra (sem síðar rann inn í Umhverfisstofnun) og sótt um endurnýjun á veiðikorti.

Veiðimenn geta nú afgreitt sig sjálfir til að endurnýja veiðikortið og fengið það sent samstundis á rafrænu formi.

Lögformleg birting vegna starfsleyfa hefur færst úr Lögbirtingablaðinu yfir á vef Umhverfisstofnunar, sjá:

Umhverfisstofnun er að auki með þjónustugátt þar sem hægt er að sækja um ýmiss konar leyfi, allt frá starfsleyfum til leyfa til myndatöku eða framkvæmda á friðlýstum svæðum ásamt fleiru.

Umhverfisstofnun er svo með gagnagátt þar sem fyrirtæki og einstaklingar geta skilað inn gögnum vegna ýmissa mála, til dæmis vegna meðferðar úrgangs og hreindýraveiða. Samstarfsaðilar stofnunarinnar, eins og heilbrigðiseftirlitin, eru einnig með aðgang þar að ýmsu sem þau snertir.

Umhverfisstofnun er einnig með landupplýsingaþjón hvar hægt er að fá aðgang að þjónustum varðandi ýmsa málaflokka. Hægt er að skoða gögnin á kortaþjónustu.

Á API.ust.is birtir Umhverfisstofnun gögn í forritunarviðmóti (JSON og álíka) sem auðveldar sjálfvirkar gagnatengingar, til dæmis við lestur nýjustu loftgæðagagna.

Það er markmið Umhverfisstofnunar að gefa enn í hvað varðar rafræna þjónustu eftir því sem tækifæri gefast til.