Innflutningur

Í samræmi við ákvæði reglugerðar nr. 1066/2019 um flúoraðar gróðurhúsalofttegundir skal innflutningur vetnisflúorkolefna (HFC) ár hvert ekki vera meiri en tilgreint hámarksmagn fyrir það ár. Umhverfisstofnun úthlutar innflutningsheimildum í samræmi við hámarksmagnið og önnur ákvæði reglugerðarinnar og aðeins þeir sem úthlutað hefur verið innflutningsheimildum mega flytja inn vetnisflúorkolefni það ár. Úthlutun innflutningsheimilda fyrir vetnisflúorkolefni (HFC) er með tvennum hætti sem hér segir:

• 89% heimilda er úthlutað til aðila sem verið hafa á markaðnum árin á undan.
• 11% heimilda er úthlutað til aðila sem sótt hafa um heimildir skv. 2. eða 3. mgr. 10. gr. í reglugerð nr. 1066/2019.

Umsóknir

Umsóknir um innflutningsheimildir skulu vera skriflegar og skilað til Umhverfisstofnunar (ust@ust.is) fyrir 1. september árið áður en innflutningurinn á að eiga sér stað. Í umsókninni þurfa að koma fram:

• Kennitala fyrirtækis
• Nafn fyrirtækis eins og það kemur fram í fyrirtækjaskrá
• Tegundir vetnisflúorkolefna sem ráðgert er að flytja inn
• Hversu mikið magn af hverri tegund vetnisflúorkolefna sé vilji til að flytja inn

Umsóknum sem berast eftir tilskilinn umsóknarfrest er synjað.

Innflytjendur

Hér að neðan má sjá lista yfir þá aðila sem úthlutað hefur verið innflutningsheimildum.

Innflytjendur 2025

Innflytjendur 2024

Innflytjendur 2023

Innflytjendur 2022

Innflytjendur 2021

Innflytjendur 2020

Innflytjendur 2019