2010

Ágúst 2010

Wed, 1 Sep 2010 00:07:30 +0000

Hlýtt var í ágúst. Um vestan- og suðvestanvert landið var hann einn af fimm hlýjustu mánuðum frá upphafi mælinga en í öðrum landshlutum var heldur svalara að tiltölu, svalast á Austfjörðum. Hiti var þó alls staðar yfir meðallagi. Þurrt var sums staðar um landið norðvestanvert en fremur úrkomusamt víða annars staðar.

Rannsóknarverkefnið Loftslag og orkukerfi (CES): lokaráðstefna

Tue, 31 Aug 2010 10:31:14 +0000

Alþjóðleg lokaráðstefna norræna rannsóknarverkefnisins Loftslag og orkukerfi (Climate and Energy Systems, CES) var haldin í Osló 31. maí til 2. júní síðastliðinn. Kynntar voru rannsóknir á loftslagsbreytingum og áhrifum þeirra á orkuframleiðslu og orkukerfi. Verkefnið er það þriðja í röðinni frá 2001 og hafa þau öll verið undir stjórn Veðurstofu Íslands og fyrrum Vatnamælinga.

Leyndardómar Grænlandsjökuls

Wed, 25 Aug 2010 14:56:40 +0000

Ráðstefna haldin í Háskóla Íslands 27.- 29. ágúst 2010. Hún ber undirtitilinn Vitnisburður ískjarna, setlaga og jökla um loftslagsbreytingar og eldgosasögu og er haldin í tilefni af 70 ára afmæli Sigfúsar J. Johnsens, eðlis- og jöklafræðings við Hafnarháskóla. Sunnudaginn 29. ágúst er dagskráin opin öllum og á íslensku.

Jarðskjálftar í júlí 2010

Mon, 23 Aug 2010 10:58:46 +0000

Um 1500 jarðskjálftar voru staðsettir með SIL mælakerfi Veðurstofunnar í júlí. Stærsti atburður mánaðarins var skjálftahrina norðan við Grímsey og hófst hún 22. júlí.

Enn ein staðfesting methita

Tue, 17 Aug 2010 11:39:21 +0000

Í samræmi við umfjöllun fjölmiðla um hitabylgjur og neikvæðar afleiðingar af þeirra völdum, benda nýjustu niðurstöður ERA-Interim endurgreiningarinnar til þess að meðalhiti landsvæða á norðurhveli jarðar utan hitabeltisins hafi slegið met í júlí 2010. Maí og júní 2010 voru einnig óvenjulega heitir.

Heimsókn kínverskrar sendinefndar

Thu, 5 Aug 2010 16:55:08 +0000

Sendinefnd frá kínversku jarðskjálftarannsóknastöðinni, China Earthquake Administration, heimsótti höfuðstöðvar Veðurstofu Íslands við Bústaðaveg 4. ágúst 2010.

Júlí 2010

Tue, 3 Aug 2010 15:56:58 +0000

Hlýtt var í júlí, suðvestanlands var hann einn af hlýjustu mánuðum sem vitað er um, en í öðrum landshlutum var heldur svalara að tiltölu. Hiti var þó alls staðar vel yfir meðallagi. Mjög þurrt var sums staðar um landið norðvestanvert, en fremur úrkomusamt sums staðar á Austurlandi.

Jarðskjálftahrina norður af Grímsey

Fri, 23 Jul 2010 11:42:57 +0000

Jarðskjálftahrina hófst norðaustan við Grímsey seinni part gærdagsins og stendur hún enn.

Jarðskjálftar í júní 2010

Wed, 14 Jul 2010 10:36:34 +0000

Um 1.200 jarðskjálftar voru staðsettir með SIL mælakerfi Veðurstofunnar í júní.

Gufumökkur frá Eyjafjallajökli

Fri, 9 Jul 2010 00:23:34 +0000

Allt að þriggja km (8000-9000 feta) gufumökkur sást upp af eldstöðvunum í Eyjafjallajökli í morgun og varð vart þegar í gærkvöldi. Almannavarnir tilkynntu Veðurstofunni um gufubólstra um kl. 04. Enginn gosórói hefur sést á mælakerfi Veðurstofunnar og lítil skjálftavirkni er í jöklinum.

Óvenjulítill hafís

Fri, 2 Jul 2010 18:36:56 +0000

Þróun hafísbreiðunnar á norðurhveli næstu vikurnar verður áhugaverð. Hlutfall þykks, margra ára gamals íss hefur farið minnkandi en það gerir hafísbreiðuna viðkvæmari fyrir hitasveiflum. Nú stefnir í að útbreiðsla hafíss síðsumars 2010 nálgist lágmarkið frá sumrinu 2007.

Júní 2010

Thu, 1 Jul 2010 14:55:55 +0000

Mánuðurinn var óvenju hlýr um mikinn hluta landsins og hlýjasti júnímánuður frá upphafi mælinga sums staðar vestanlands. Mjög þurrt var víðast hvar á landinu og háðu þurrkar gróðri.

Skaftárhlaup í júní 2010

Mon, 28 Jun 2010 15:43:11 +0000

Þegar hlaup úr eystri Skaftárkatli hófst aðfaranótt 27. júní hafði hlaupið úr vestari katlinum staðið í rúma sjö daga Þá voru liðnir 20 mánuðir síðan hljóp úr eystri katlinum sem er stærri en sá vestari. Ljóst er að hámarksrennslið verður um 1400 m³/s við Sveinstind og telst það til þess mesta sem orðið hefur þar. Samanlagt vatnsmagn úr báðum kötlum jafnast á við stór hlaup úr þeim eystri.

Vefsíða um öryggismál ferðamanna

Wed, 23 Jun 2010 15:41:25 +0000

Í byrjun júní 2010 skrifuðu sautján aðilar, er koma að ferðaþjónustu á einn eða annan hátt, undir samstarfssamning í Krýsuvík um öryggismál ferðamanna. Þessir aðilar hafa sameinast um einn vettvang þar sem allar upplýsingar um örugga ferðamennsku eru aðgengilegar. Sá staður er vefsíðan Safetravel, ásamt blaði með sama nafni.

Skaftárhlaup

Tue, 22 Jun 2010 11:28:59 +0000

Hlaup hófst í Skaftá 20. júní. Fyrstu merki um hlaupið komu fram á mæli við Sveinstind aðfaranótt sunnudags en þá byrjaði rafleiðni og aurburður í vatninu að aukast. Um hádegi fór vatnsborð árinnar að hækka og náði ákveðnu hámarki undir miðnætti á sunnudag. Síðdegis mánudag og þriðjudag hefur rennsli aukist aftur.

Norræn rannsóknarverkefni

Thu, 17 Jun 2010 11:27:44 +0000

Norræna ráðherranefndin ákvað undir lok síðasta árs að efla mjög rannsóknir á loftslagsbreytingum og áhrifum þeirra á umhverfi og samfélag og hefur nú veitt jafnvirði 10 milljarða íslenskra króna til rannsóknarverkefna á þessu sviði sem eiga að fara fram á næstu fimm árum. Á grunni CES verkefnisins, sem lauk nýlega, var sótt um stuðning til þriggja verkefna sem Íslendingar taka þátt í og leiða.

Jarðskjálftar í maí 2010

Tue, 15 Jun 2010 13:23:41 +0000

Hátt í 1.900 jarðskjálftar voru staðsettir með SIL mælikerfi Veðurstofunnar í maí. Helsta skjálftavirknin var undir Eyjafjallajökli og í Tjörnesbrotabeltinu.

Sumarþing Veðurfræðifélagsins

Fri, 11 Jun 2010 17:31:48 +0000

Sumarþing Veðurfræðifélagsins er haldið í dag, þriðjudaginn 15. júní. Þingið er opið öllum er áhuga hafa á veðri og veðurfari. Fjallað verður um veðurspár og um tölfræðilega úttekt á veðurfari.

Norræn ráðstefna um landupplýsingatækni

Thu, 10 Jun 2010 14:05:51 +0000

Norræn ráðstefna um landupplýsingatækni verður haldin á Selfossi 14. - 15. júní, sjá nánar undir Rannsóknir og útgáfa hér til hliðar.

Maí 2010

Tue, 1 Jun 2010 13:51:23 +0000

Mánuðurinn var hlýr, hægviðrasamur og fremur þurr. Kuldar voru þó til ama á norðaustur- og austurhluta landsins um tíma.

Jökulíshlaup í upphafi goss

Thu, 27 May 2010 15:53:31 +0000

Jökulíshlaup, að mestu ískurl og hjarn sem er blandað gjósku, sandi og urð, er að finna utan við Gígjökul. Neðan við tunguna er stórt bjarg sem borist hefur með henni og ofan á henni fjölmörg minni.

Eldfjallagas

Fri, 21 May 2010 17:38:50 +0000

Bláleitar gufur koma út með Fljótshlíðinni og þær leggur í vesturátt. Þetta er staðbundið, fer með jörðu og sést skríða undan vindi.

Jarðskjálfti úti fyrir Norðurlandi

Wed, 19 May 2010 18:50:40 +0000

Jarðskjálfti, sem var tæplega 4 stig að stærð, varð u.þ.b. 20 kílómetra norðvestur af Gjögurtá klukkan 17:26 í dag.

Jarðskjálftar í apríl 2010

Wed, 12 May 2010 14:52:32 +0000

Um 1.100 jarðskjálftar voru staðsettir með SIL mælikerfi Veðurstofunnar í apríl. Mesta skjálftavirkni á landinu var í Eyjafjallajökli.

Síbreytilegur gosmökkur

Sat, 8 May 2010 21:09:40 +0000

Gosmökkurinn úr Eyjafjallajökli er síbreytilegur en ekki er allt sem sýnist.

Apríl 2010

Mon, 3 May 2010 14:57:49 +0000

Hiti var nærri meðallagi í apríl. Úrkoma var minni en í meðalári um landið suðvestanvert, en yfir meðallagi norðaustanlands. Sólskinsstundir voru fleiri en í meðalári í Reykjavík. Snjór var minni en í meðalári.

Vatnamælingar við Eyjafjallajökul

Sat, 1 May 2010 14:30:27 +0000

Vatnamælingar eru mikilvægur hluti af viðbrögðum við vá.

Vel fylgst með gosinu

Wed, 28 Apr 2010 14:52:40 +0000

Fylgjast má með framvindu gossins og lesa eldri upplýsingar í greinum sem eru auðkenndar með rauðu letri efst á forsíðu vefsins.

Framvinda gossins

Tue, 20 Apr 2010 20:21:43 +0000

Fylgjast má með framvindu gossins og lesa eldri upplýsingar í greinum sem eru auðkenndar með rauðu letri efst á forsíðu vefsins.

Gosmökkurinn í gær

Sun, 18 Apr 2010 11:47:30 +0000

Gosmökkurinn úr Eyjafjallajökli sést ekki á ratsjá Veðurstofunnar og ekki hefur orðið vart við öskufall undir Eyjafjöllum í morgun. Gosórói hefur haldist töluverður.