Tungufoss

Undanfarið hafa fulltrúar Umhverfisstofnar og Mosfellsbæjar unnið að gerð stjórnunar- og verndaráætlunar fyrir náttúruvættið Tungufoss.

Drög að áætluninni eru hér með lögð fram til kynningar.

Tungufoss ásamt nánasta umhverfi hans var friðlýst sem náttúruvætti árið 2013 skv. auglýsingu nr. 462/2013. Tungufoss er fallegur foss neðarlega í Köldukvísl í Mosfellsbæ, á móts við Leirvogstungu og dregur fossinn nafn sitt af bæjarnafninu.

Stjórnunar- og verndaráætlun fyrir Tungufoss er ætlað að vera stefnumótandi skjal, unnið í samvinnu við rétthafa lands og sveitarfélag og er hugsað sem stjórntæki til að móta framtíðarsýn svæðisins. Markmiðið með gerð hennar er að leggja fram stefnu um verndun Tungufoss og hvernig viðhalda skuli verndargildi svæðisins þannig að sem mest sátt ríki um. Í áætluninni er lögð fram stefnumótum til 10 ára, ásamt aðgerðaáætlun til þriggja ára.

Hér að neðan má sjá stjórnunar- og verndaráætlun fyrir náttúruvættið auk auglýsingar um friðlýsingu svæðisins.

Frestur til að skila inn athugasemdum og ábendingum fyrir Tungufoss er til 12. ágúst 2020.

Hægt er að skila inn ábendingum og athugasemdum á heimasíðu Umhverfisstofnunar, með tölvupósti á netfangið ust@ust.is eða með því að senda póst til Umhverfisstofnunar, Suðurlandsbraut 24, 108 Reykjavík.

Nánari upplýsingar veitir Hildur Hafbergsdóttir, hildur.hafbergsdottir@umhverfisstofnun.is og René Biasone Rene.Biasone@umhverfisstofnun.is eða í síma 591-2000.

 

Upplýsingar

Skrár