Álafoss

Undanfarið hafa fulltrúar Umhverfisstofnar, og Mosfellsbæjar unnið að gerð stjórnunar- og verndaráætlunar fyrir náttúruvættið Álafoss.

Drög að áætluninni eru hér með lögð fram til kynningar.

Álafoss og nánasta umhverfi hans var friðlýst sem náttúruvætti árið 2013 með auglýsingu nr. 461/2013. Álafoss er fallegur foss í Varmá þar sem hún liðast í gegnum Álafosskvosina í Mosfellsbæ.

Stjórnunar- og verndaráætlun fyrir Álafoss er ætlað að vera stefnumótandi skjal, unnið í samvinnu við rétthafa lands og sveitarfélag og er hugsað sem stjórntæki til að móta framtíðarsýn svæðisins. Markmiðið með gerð hennar er að leggja fram stefnu um verndun Álafoss og hvernig viðhalda skuli verndargildi svæðisins þannig að sem mest sátt ríki um. Í áætluninni er lögð fram stefnumótum til 10 ára, ásamt aðgerðaáætlun til þriggja ára.

Hér að neðan má sjá stjórnunar- og verndaráætlun fyrir náttúruvættið auk auglýsingar um friðlýsingu svæðisins.

Frestur til að skila inn athugasemdum og ábendingum fyrir Álafoss er til 12. ágúst 2020.

Hægt er að skila inn ábendingum og athugasemdum á heimasíðu Umhverfisstofnunar, með tölvupósti á netfangið ust@ust.is eða með því að senda póst til Umhverfisstofnunar, Suðurlandsbraut 24, 108 Reykjavík.

Nánari upplýsingar veitir Hildur Hafbergsdóttir, hildur.hafbergsdottir@umhverfisstofnun.is og René Biasone Rene.Biasone@umhverfisstofnun.is eða í síma 591-2000.

 

Upplýsingar

Skrár