Umhverfistofnun - Logo

Gestastofa

Breyttur opnunartími:

Gestastofan á Malarrifi lokar tímabundið frá og með mánudeginum 12. október 2020, staðan verður tekin reglulega hvað varðar opnun.
Útisalernin á Malarrifi verða áfram opin og eru þrifin daglega.

Hægt er að óska eftir opnun Gestastofunnar á bilinu 10:00-16:00. Ef óskað er eftir opnun vinsamlegast hafið samband í síma 436-6860 á skrifstofutíma eða í netfangið snaefellsjokull@ust.is með góðum fyrirvara.

 

Á undanförnum árum hefur ferðamönnum fjölgað mikið og er nú svo komið að þónokkur fjöldi heimsækir landið að vetri til. Undanfarin ár hafa stjórnvöld lagt áherslu á að efla ferðaþjónustu á þeim árstíma undir kjörorðinu, „Ísland allt árið.“ Ferðaþjónustan á Vesturlandi svo og Snæfellsbær hafa einnig lagt áherslu á að auka ferðaþjónustu á veturna, í takt við stefnu stjórnvalda. 

Gestastofa þjóðgarðsins er á Malarrifi. Gestastofan var fyrst opnuð árið 2004 á Hellnum í gömlum fjárhúsum. Gestastofan var svo flutt yfir í fyrrverandi fjárhús á Malarrifi árið 2016. Þema sýningarinnar í gestastofunni er vermaðurinn og náttúran og er leitast við að sýna hvernig vermenn nýttu náttúruna til að sjá sér farboða. Höfðað er til allra skilningarvitanna og eru gestir hvattir til að smakka, lykta og reyna.

Hægt er að finna eitthvað skemmtilegt fyrir fólk á öllum aldri í gestastofunni. Þar má einnig nálgast upplýsingar og fræðslu um svæðið undir Jökli hjá landvörðum sem þar starfa.

Hafðu samband

Gestastofa á Malarrifi
Sími: 436 6888
Netfang: snaefellsjokull@umhverfisstofnun.is